المشاركة الأصلية كتبت بواسطة الليث (المشاركة 115025) هنا عبرت للمعايده ومن العايدين وكل عام وانت بخير

أيا بعد من جـر قافـه بمنحـوت=أيا بعـد عمـري وقلبـي تفيّـا
جيتك أرد الصوت يا غالي الصوت=والجرح من بيـن المعاليـق حيّـا
و أقول لك في ليلة العيد بخفـوت=إنت الحلا للعيـد وفـرح المحيّـا
يا الغالي أبشر لاعدمناك بكفـوت=أكتب بها عيد الغـلاوي يضيّـا
عيدك مبارك ياملك قلب بخّـوت=وانت بقلبي فـوق نجـم الثريّـا
ظلمتني في قافك العذب بسكوت=وتقول بعده داخل القلـب كيّـا
تحسبني أبيع الغلا وأسبق الفـوت=وأترك غلاة القلب من غيـر ريّـا
ماتدري إن الدمع بالعين وبيـوت =قافك لفتني وأنت وسطـه شقيّـا
أبياتك ألفتني أصارع هل الفـوت=وأقول له قلبـي فـداك وعليّـا
إني أسوق القاف وأعلن بتابـوت=الروح من شانـك وقلبـي مليّـا
بالحب والقيفان وإن صابن الموت=قولوا لربعـي افزعـوا للحميّـا
روحوا لداره وانقلوا الأمر بشفوت=ثم ٍ خذوا بثـاري وثـاري تهيّـا
أبي فؤاده ما أبي غيـر مكبـوت=وإن ردكم قولوا فداهـا الجفيّـا