المشاركة الأصلية كتبت بواسطة عــاشــق هــبــاء (المشاركة 114760) يالليث نام الله يخليك بدري =لأنك عن الأوضاع منته بداري

المشاركة الأصلية كتبت بواسطة الليث (المشاركة 114791) يستاهل الحمد والتكبير لااله الاهوالسميع المجيب

علموا هاك الهنوف اللي تزايد فـي بهاهـا=صدتي عنها بقلبي مثـل طعنـات القرايـب
علموها ياجماعه مـا ملـك قلبـي سواهـا=اشهد ان القلب ذايب.. اشهد ان القلب ذايب
من غلاها والله اني ناسـي حتـى خطاهـا=وفي غلاها باتمادى.. لين توضع لي نصايب
والجروح اللي غزتني منهـا ماكثـر حلاهـا=آه..ياحلو الجروح اللـي تذكـرك الحبايـب
كل جـرح تقبلـه نفسـي ولكـن منتهاهـا=الكرامه لا وصلت لهـا تطاولـت السحايـب
والرجل لو كان ياكـل لقمتـه قـام ورماهـا=لا خطرله ما يغثـه .. كـت زاده بالترايـب
وعلموها لو يطول الوقت او يقصـر تراهـا=ساكنه وسط العيون ونازله بيـن الحدايـب
وعلموها ماصنعها كود زبـن اللـي بداهـا=لين خلدها قصيدة.. قصـةٍ لامجـاد غايـب
يوم كانت وسـط كفـي درةٍ قلبـي حماهـا=واتعرض من غلاهـا للمشاكـل والنشايـب
ويوم هي زادت خطاها عودت للـي رباهـا=شايبٍ واظن من مهده وهو شايـب وعايـب
والعهود اللي عليها بحـل مـا دور جزاهـا=والعهود اللي علي اوفيت فيها ياعجايـب !!
ولا تظن اني بغلاها منتظـر رجعـة مساهـا=لا ورب البيت مابغى غير فرقاهـا وهايـب
هيه.. لاتطري عليهااني على موعد رجاهـا=حبها في وسط قلبي لكن الرجعه ... عقايـب
ماتمنيت بحياتـي الا ان ربـي قـد خذاهـا=قبل لا تخطي ... واعيش لها مثل الوهايـب
علموها لا تزايـد فـي بهاهـا يـا عساهـا=للعمى ..... لا والله الا لجنته يااغلى الحبايب

ينجرح قلب لكن ترتفع هامه =والله اني لا موت ولا انحني راسي
لو رماني زماني وسط دوامه =العواصف شديده و الجبل راسي
أنقل الحزن و امشي منتصب قامه=قاسي الوقت لكني بعد قاسي
و اسمع الحلم يصرخ لحظه اعدامه =رابط الجاش ماهز الخبر باسي
عزتي غاليه و الناس سوامه =قلت ما ابيع حتى تقطع انفاسي
زانت ايام عمري شانت ايامه =ما رجيت العزى من رحمة الناسي
من عجز لايدوس الهم باقدامه =لازم انه مع الايام ينداسي
يندمل جرح قلبٍ ماتت احلامه =بس ما اظن يبرى جرح الاحساسي
يوم صارت مابين القلب و الهامه =وش ابي بالحياة اليا انحنى راسي

ما تغيَّر شي .. لكن .. صار فاضي هالمكـان=يعني إنتَ شفت قلبي طحت مِنْ عيني وعينـه
كان لك قلبي مدينه ولاحظ إني قلت : ((كان))=يعني إنتَ الحين واحد ((خارج حـدود المدينه))
ليه مستغرب كلامي وليـه أعطيـك الأمـان=وليه تَكْذِب في كلامك العـذر وينـك ووينـه
ما ألومك كان قلبـك ثـارت أمواجـه وخـان=الخطــا منَّي لأني صرت فـي بحـرك سفينـه
والسؤال اللَّي كتمته وما نِطَـق فيـه اللسـان=كيف إيدك إطعنتني وآنا أحْسِبْهَـا أمينـه ..؟
جرحي ما يرضيه قلبك لو يجـي كلِّـه حنـان=لو تبــوس الجرح فيني ولـو تقبلهـا إيدينـه
يُوم أحبك قلت كلمه : ( يكرَم المرء أو يُهان )=وإنتَ قلبي ما كرمته وما قدرت إنِّـك تهينـه
( عزِّتـي ).. ما هي جديده آنا شامخ من زمان=إغسل إيدك من رجوعي وروح يا إبن اللذينه
طاب خاطر قلبي منِّك وهذي الفرقـى رهـان=وحتَّى لو قلبي يحبـك ربِّـي بفراقـك يعينـه
تدري لما قلت أحبك قلت وما عنـدي ضمـان=وإختياري كان خاطىء تجربه بالحيـل شينـه
كنت تخطي وكنت أسامح ... مرَّه مرتين وثمـان=أدمح الزله عشانك وأكتـم أنفـاس الغبينـه
كنت أحبك وكنت أعزك والغلا فينـي جبـان=اخاف تزعل لو ألومك ضعت ما بينـك وبينـه
في عيون الناس عادي بس في عيني جنـان=وكان قلبي من يشوفك تفضحه نظـرة حنينـه
ماني أوَّل من يحب ومنتَ آخر شخص خـان=المحبه في زمانك بحـــرها من غيـر مينـه
الفشل .. كان النتيجه وأعتقـد آن الأوان=أبني مستقبل حياتي وأنسى قصتنـا الحزينـه
وخطوتي الأولى غيابك وراح أطبقها عشـان=يبكي قلبك لا فقدني والندم .. يملـي سنينـه
جاي تسأل عن مكانك !! هو بقى فيني مكان =الله يرحمها المشاعر اللي كانت لـك رهينـه
قلت لك قلبي ( مدينـه )فيها لك حشمه وشان=لكن إنتَ الحين أغرب شخص في هذي المدينه

لا تنتظر مني أعايدك بالعيد ..!
مفروض أقول العيد :
[ يا فرحتهـ فيكـ ] ..