تعالي يالقصايد مازهمتك غير لجل ارضيه
= ترى لولاه ماحثّيت هجسي لك وشعوره
ابكتب وآتغزل به لو إن الشعر مايوفيه
= بحاول أرضي اغروره عساني فدوة اغروره
هذاك اللي ليا من طرّوا اسمه حدني للتيه
= اهيم بعالمه واسبح على طرياه فبحوره
تمكّن بي وفج الصدر بالقوّه واخذ مافيه
=وانا طالع وكن إيدي يالشجعان مكسوره
وقام يقودني يم الهوى لو الهوى معميه
=تحت حكم الهوى نمشي على نهجه ودستوره
جذبني حبه الطاهر وغيّه جعلني ما ابكيه
وعلقني بحبّه لين صرت امشي على شوره
فديته من علو راسه ليا حتى قدم رجليه
= مدام اهل الهوى يااهل الهوى فالحب ماموره
ألا لبيه ياقلبه ولبى كل شي يعنيه
= ولبى روحه اللي من سحاب العز ممطوره
ولبّى مبسمه وحكاه . لبّى غمزه إفخديه
=ولبّى غيرته واحساسه الطاهر وبلّوره
احبه واعشقه واغار حتى من كفوف ايديه
=إليا من لامست خده اقول الثوره الثوره
محد متصوّر اش كثر اعشقه وادلّعه واغليه
= عسى ربي يحفظه من عيون الحسد وشروره

المشاركة الأصلية كتبت بواسطة الليث (المشاركة 108300) يامن يسلم لي على الهاجره نوف اللي مضالي عــنه مــده طـــويــله ابو عيون اوسـاع والجسم ملهوف والشعر الاشقر فوق ردفه يشيـــله من كلمات الليث ولحن فهد عبد المحسن

اهههههه

أخبرها عيده واليوم نوف وبكره اتوقع سميره :)

يعينك الله يالليث ..