المشاركة الأصلية كتبت بواسطة ابن شداد الطلاحبي (المشاركة 107964) هديه متواضعه عساه تنال اعجاب ابوزويد http://www.youtube.com/watch?v=rna1kuaanlm

قاسي الليل بغيابك أو غيابك ليل قاسي !=كلها بعيني تساوت ما بها شي اختلف ،
المآسي هيه هيه نفسها ذيك المآسي ! =والأماني من تركتك ذل واحباط وتلف

أمانـه قبـل أروح و ينتهـي كل شـي طالعنـي=عشـان تعـرف وش معنى العطـا قبل الأنانيّـه
أبرحـل والطريـق اللـي يـودي ما يرجعنـي=يبي يغنينـي الله عـن هوى حبـك و طاريّـه
خـذ البـاب بطريقـك والعـذر ماعـاد ينفعنـي=ترى ماعـاد لك قيمـه ولا للحـب أهميّـه

الليله الليله بغيت اموت من حر الوداع=حتى صلاة العصر مرتني ولاصليتها
واستغفر الله من كلامٍ لايقال ولايذاع=يارب لاتغضب وتغفرلي الى عديتها
اخاف من يومٍ يضيق الكون من عقب اتساع=واخاف ربي لا يحاسبني الى مديتها
لكن عندي مشكلة خرسٍ مظاليلٍ وساع=عيت تخليني على الدنيا ولا خليتها
مريتها عاما ثنيّه ودعست بيتي رباع=ياليتها ما مرت البارح ولا مريتها
من حبها كن ماخلق غيري على الدنيا شجاع=لو دربها جمرة وطتها الرجل ماحسيتها
اسوق عمري في رجاها لو تعشاني السباع=اهم شي اشوف لفتتها وشارع بيتها
اظمالها في ذمتي ذمه وطاريها متاع=حتى اسمها يزيد في روحي الى سميتها
لا ابطيت منها ضقت من ثوبي ومن شتا البقاع=وترد روحي كل مانادت علي واوحيتها
والى سمعت اسمي يفز القلب ويجيه اندفاع=ما كني اسمعها والى عادت الاسم لبيتها
والله لو انها جمرةٍ حمرا يخالطها شعاع=اني قبل لااعرف مدى تأثيرها ظميتها
هذا غلاها كل يوم وكل ليله في ارتفاع=يعني غلاها جابه الله لي كذا واغليتها
وان قالوا العالم روايا الحب مافيها استماع=يمكن تجاوبهم صدى الونه الى ونيتها
وان قالوا ان الحب ضيعه والسبب في الانصياع=قلت المحبه مايعذربها الى ذميتها
ان كان حبي صار ضيعه قلت ياحلو الضياع=لا والله الا ضاعوا العالم وانا دليتها
دليت لي شيخة جمال وعرف واسناع وطباع=واقول اجل منّا بحبه كان ماحبيتها
هذا قراري والقرار الصعب يعطي الاقتناع=ماعاد ينفع به ياعل او ياعسى او ليتها
غير اعذروني لو غدى موتي على سبه وداع=النفس لو اقدر عليها من عصر رديتها
روحت انا ويا همومي من صراعٍ في صراع=حتى صلاتي قد بغيت اسج ماصليتها

والله انك من بعيدين الهقاوي =مير تجرفك الحميّا الجاهليه
اسمع الفتوى من شيوخ الفتاوي=اسمها فتوى واسميها وصيه
ما هويت المستحيل الا انت هاوي =روح سرمد والمسافه سرمديه
بس حاول ما تطيح الا متساوي= لا تشب الحرب وتصير الضحيه

فديتك يالهنوف إللي برمش العين سلهمتي =وفدنك لابسات الجينز والشانيل والبرقع
فديت عيونك إللي في كحلها كم تفننتي =رسمتي في محاجرها هلاك إللي بها يطمع
وفيها أمواج تتلاطم وتغرق يوم ناظرتي =بدون شعور طبيت ف بحرها ليتني ماطلع
فديت حجاج عينك يوم به للعين سلمتي =وفديت خدودك إللي لاح بارقها ورى المسفع
وهاك المبسم إللي من شذاه الكون عطرتي =ومسلولٍ حدب رمز الجمال ف سلته يجمع
فديتك قد غريافٍ مع النسمه تمايلتي =جذبني يوم شفته وبخجله العذب يتمتع
وعلى نغمات لحن القلب والاشواق هيجنتي =طرب مدري ترف ولا على ماقيل تتصنع
اقوله وافتخر يومك على الإحساس هيمنتي =وخليتي نظر عيني لطيفك دايمٍ يتبع
وصرت بشوق اطالع صورةٍ فيها تمثلتي =بجمال الروح والاخلاق وانتي لأصلها منبع
على عرش الغلا ياشمعة الجلاس سلطنتي =ورسمتي لوحة فيها الأمل بالروح متشبع
وعلى قلب المولع بأسلحتك اليوم سيطرتي =واسرتي فكري بروعة جمال العين فالبرقع