كانت هنا


فجر

اسمعك ياللي تناديني يابو قلب خلي=بس انا ماني خلي القلب لجل اسكت واجيك
الخلي ماهوب قلب من هيامك ممتلي=الخلي قلب ادمي شافك ولا هام فيـك
انت زعلان لجفاي ومادريت ان زعلي=يوم قلبك مايبيني قد ماقلبي يبيــك
حتى لو عيت همومك في غيابي تنجلي=كل هذا مايساوي لهفتي يوم احتريك
وان كان ماصدقت هرجي طيب اسمع مايلي=ياحبيبي ياعسى ربي يحفظك ويهديك
جايز انك في غيابي تقلب الدنيا علي=بس انا من قبل اعرفك قالب الدنيا عليـك

يا بشر تكفـون حلّـو عـن سمايـه=ما يصيب الهرج لو الهـرج صوبـي
كـم سكـت لكـم بمـا فيـه الكفايـه=اشتموني لو زعلتـوا واشمتـوا بـي
عيبونـي واتركونـي فـي عمـايـه=واتركوا لي واحـد يرضـى عيوبـي
اتركـوا لـي واحـد يمسـح شقايـه=كل ما حـط الزمـن دوبـه ودوبـي
ذاك والله لا ذكـرت انــه ورايــه=اشعر إن الكـون كلـه وسـط ثوبـي
يكفـي انـه لـو يسولـف للمرايـه=كن صوته يهمس لصورتـه.. ذوبـي
كيف أنا مـا أذوب مـا دامـه معايـه=اسمعـه وأسهـر معـه لأول ذنوبـي
كل مـا قـال السهـر درب الغوايـه=قلت كلـه مـن عيونـك هبّلـوا بـي
وكل ما قـال الخطـا ماهـو خطايـه=قلت له قـل للعيـون السـود توبـي
ضيعتـنـي واســأل الله الهـدايـه=وين أجيب العقل.. أجيبه من جيوبـي
من يعرفـك مـا يـدل العقـل رايـه=يا شروق العمر.. مدري يـا غروبـي
أذكر انك كنـت لـي مثـل الهوايـه=لو تروح ولو تجـي يبقـى شحوبـي
بس مدري كيف صرت اليـوم غايـه=وصرت أجي وأروح مدري عن دروبي
يـا بعـد عمـر الكتابـة والقـرايـه=يا الشمالـي يابـو الملـح الجنوبـي
لا قريـت اللـي كتبتـه يـا رجايـه=رح وبلغ ربعـي اللـي جننـوا بـي
قلهـم يمكـن يخـلـون الوشـايـة=و إن تمادوا خلهم مهمـا حكـوا بـي
أنت خلك بـس فـي الدنيـا عزايـه=لا تفكر في العـواذل وأنـت صوبـي
ادري إن كـل درب ولــه نهـايـه=بس أنا باقـي معـك لآخـر دروبـي