( عسىآ عمرك من آلحزن خـآلي
حلمً رسسمته ، تهتـني به وترتــآح .~
وعسسىآ . آلززمن ، في مقبلآت آلليآإلي ..."
يسسقيك من كآس ( السسسعآدة والأفرآآح }..~

ماعاد لك في قلب ماجد معزه = من عقب ماانتي في عيونه أميره
وليا لفانا الشـوق نـقدر نكزه = لأن النفوس كـبار ماهي حقيره

لاتـرافــق واحـــدٍ مــاهــو بــجــازم = فـرقــة الـخــذلان لآبـــدّ مـهـزومــه
والمـعـارف كثـرهـا مـاهــو بـــلازم =كـان تملـك معـرفـة نـفـسٍ جـزومـه

ليتك رحلتي دون توديع وجروح=والّا حفظتي قيمتك واسترحتي
كنتي قبل في عيني اغلا من الروح=واليوم راحت قيمتك يوم رحتي
لو كان عذرك ظرف واضح ومشروح!=ماكان من عيني نزلتي وطحتي!
لكن رجعتي صمتك اقبح من البوح=حتى بعذرك للأسف مانجحتي
جيتي بدمع ونبرة احساس مفضوح=وانا افهمك من نظرتك لا لمحتي
تركتهم لأجلك وانا عنك منصوح=ورقيت بك فوق وعواذلك تحتي
وغرد لك القمري على عالي الدوح= وانتي على غصن الامل مامرحتي
واليوم بدموع الغدر عينك تلوح=ماكنّك اللي في غرامي سبحتي
ماعاد ابيك وماحصل منك مسموح=بس اتركيني وابعدي لو سمحتي!
قلبي تعب واحساسي اليوم مبحوح= لو كان مااشعر بالأسا لا فرحتي
ان طال جرحك كلها ايام ويروح = بعض الجروح علاجها يوم رحتي!