المشاركة الأصلية كتبت بواسطة سمو الذات (المشاركة 104509) أنت علامك يابناخي والله إن حالك أصخفني مغير حزين وكتاباتك حزينة وتخلي الواحد يهشم وسع صدرك الدنيا ماتستاهل فكر بجديدك بمستقبلك وحدد نقاط حياتك وشوف أفضلها الدنيا ماتوقف عند خط واحد الحياة مستمرة حتى يأخذ الله أمانته،،، أحس إنك تعاني إلا متأكد بس إكسر ورى الماضي جرة وحدد انطلاقتك من هذه اللحظة .... محبك وأخوك أبو يزيد

يابعد راسي والله إني بخير ولله الحمد

لكن على قولتهم مود الحزن مايفارق النت :)

وشرفتني كلماتك وإحساسك الراقي ..

ياماحـلا المسـرى مـع طـرة الـنـور = من قبل خيط الشمـس يبـدي شعاعـه
مـع رفقـةٍ مافيهـم اللـي بـه قـصـور= ربــعٍ تـربـوا عالـكـرم والشـجـاعـه

كـل واحـدٍ فيهـم مـجـرّب ومخـبـور = مـاشـاور الحـرمـه بـخــوة ربـاعــه
لا جــا لــزومٍ مايـصـفـون بـالــدّور = كـلٍ بــذل مجـهـود قــدر استطـاعـه

أميـرهـم يـهـتـم بـالــرّاي والـشــور = دايــم يــدوّر ويـــن راي الجـمـاعـه
لا صرت عنده كنك بعـش عصفـور = مابـاقـي الا يـوكّـلـك فـــي ذراعـــه

لاجيت اقول اسمـه اسميـه منصـور = كــلٍ يعـرفـه مــن طـيــور البـتـاعـه
شيل الشوازن والفشق معهم صقور = وحمام لا صـاروا طيـورك جواعـه

موترك جيبٍ خلفه العفـش مجـرور = يسوقـه الـلـي خــاف ربــه وطـاعـه
وجمسٍ محمل ما ركب فيه مطيـور = هـو منـوة اللـي مـات قلـبـه وبـاعـه

عفـشـك مكـمّـل فـيـه زلٍ ومـاطـور = وبيتٍ من (القاضـي) جديـدٍ شراعـه
وعــدة المطـبـخ بـيـن قـــزٍ وتـنّــور = وحـوايـج واغــراض فيـهـا نـفـاعـه

ورز(المهيدب) مع سكاكيـن وقـدور = واحرص على الطبّـاخ كمّـل متاعـه
ونـجـرٍ ومحـمـاسٍ ودلّــه ودافـــور = وبــنٍ وتـمـرٍ يـغـري الـلـي شبـاعـه

تنـزل بـروضٍ تـوّه الـيـوم ممـطـور = وقـت الربيـع العشـب زاد ارتفـاعـه
حتى الرمل تشتم لـه ريحـة عطـور = والقـاع خضـرا كــن فيـهـا زراعــه

معك خروفٍ مايبي ضرب صاطور = اذا ذبـحـتـه عـلّـقـه مــــن كــراعــه
احمـس بصيلـه والمعاليـق عالـفـور = مـن طعمـه الجوعـان ياكـل صباعـه

من عقب هـذا مـا تبـي طـب دكتـور = كانـك مريـضٍ صـار عنـدك منـاعـه
حنّـا بنعمـه بـس تبـي حمـد وشكـور = وحفظ الصلاة الخمس ويّا الجماعـه

ما تغتنـي لـو تملـك المـال وقصـور= لا صـرت مـا تملـك كنـوز القنـاعـه

علموها ياهل الطالات ياعيال الحمااايل =لافقدتني .. في غيابي عن غلاها علموها
قولو ان الود باقي بالغلا والشك زااايل =يمكن ابياتي ووجدي بالغلا مافطنوها
خابراً نظم القصايد والجزيل من المثايل=لا نظمته في غلاها .. رددت ياعين ابوها
مهرت(ن) هزت خفوقي وطلعت بين الاصايل=كانها ترقص خطاها لامشت ثم اتبعووها
والله .. انها في خفوقي مبطيه ولها دلايل=غاليه .. وجيوش صدري من غلاها قلطوها