|
سيرت لقويزه مساءاليوم عاني 000 نبغي نشوف الي حصل من مصيبه
من وصفها والله يعجز لساني 000 عجزت اعبر عن مناضر مريبه في شارع المزيون قلبي حداني 000 اللي زمان العام قلبي غديبه مريت فيه وشقت ذيك المباني 000 كانت تـــــجمعنا حبيب وحبيبه ذكرت اعزانسان ذيك ام=== 000 اللي لــــــها باالقلب قيمه وهيبه اطلب من الله يردهم لي ثاني 000 ويفرج لهم عقب الضروف الصعيبه ياسلام ياسلام صح لسانك واعتلا شانك وانخزى شيطانك الليث والله انك خطير وموهوب وانا اعتب عليك شخصيا لانك مخبي عنا كل هالابداع وحارمنا منه الشي الثاني عسى الله لا يريك مكروه ويجبر خاطرك وان شاء الله ازمه وتعدي وتعود الامور افضل مما كانت عليه قصيدتك وافيه لانه الوافي مثلك مايجيب الا الجزل لي ملاحظه بسيطه انت تقول في شارع المزيون قلبي حداني .... اللي زمان العام قلبي غديبه وانا اقولك لشارع المزيون لا الحدو الى وليس في وخذ بالك من (غديبه ) انت تكلم عن مجهول هنا والسياق كان عن معلوم ومعرفه (معرف بالاضافه) شارع المزيون المفروض يكون البيت اللي زمان العام قلبي غدابه بس انت اوردت غديبه عشان القافيه واعتقد ان مخزونك اللغوي قادر على ايجاد كلمه تفي بالمعنى اخوي الليث بغيت تجيب الغايبه وتعلم بالاسم لكن الله ستر وانا اشوف انه اصبح واضح جدا تمنيت لو كانت قوة التشفير اكبر من كذا وقوفك على الاطلال اثر فيك اكيد وحرك مشاعرك وايقظ الابداع عسى الله مايحرمنا من ابداعك ومن تالقك ياكريم انك تكون في عون اهل قويزه وعون كل مسلم القصيده بلاشك رائع كروعه قائلها ومتالقه اجمالا وماذكرت لا يعيب جمالها الطاغي شكلا ومضمونا تقبل وجهه نظري المتواضعه تحياتي |
الليث طول الليل جالس بداره 00 ماقدمه الا نت ودله وبــراد
يكتب له عباره ويمسح عباره 00 يبغى يتعلم بالشعر مير مـافاد ولا يروح الفن ويعرف اسراره 00 ويعزف لكم بالعود من صنع بغداد الليث هرول حيث فيه الشطاره 00 هرول عبث لاكن ماهو بمن صاد حامد رضاءوالله كفو بالاداره 00 يكافح لحاله مير ماعنده افراد الاخت فجر وطرحها مع نواره 00 طاقم نسائي غيرهن ماش نشاد والجامح المبدعوشعره نعاره 00 من غير ابوعدنان مافيه نقاد قواك الله يالليث وصح لسانك انت فيه شئ يؤرقك ولعله عدم ارتياح لما ضمنت في طيات قصيدتك اقولك الامور طيبه وللافضل ان شاء الله ذكرتني بقول ابن عقل لاضاق صدري قلت يا قاسمت خيـر .... سقت القدم وامشي على غيـر داعـي اسهر اوساهرت النجوم السواهير .... حتى يجي للفجر نور اوشعاعي قالولي ادله قلت ياهل التفاكير.... هاذي علوم اهل العقول الضياعي والله ماغير اصخر القـاف تصخيـر ... تصخير مادوب العصا لين اطاعـي بالمختصر المفيد القصيده لاباس بها ووضعك طيب وحاول وبتصير شاعر وشاعر فذ وانا اراهن على موهبتك بس لاتخلي لليأس عليك مدخل ياليت يعيد النظر في الوزن في البيت الاول تقول ماقدمه الا نت ودله وبراد لو فكرت في الترتيب وقلت النت قدامه ودله وبراد مثلا والا يروح الفن ياليت تعيد النظر من ناحيه الوزن يكافح لحاله مير ماعنده افراد اظن قصدك ايكافح لحاله ولا عنده افراد واشكرك على اشاداتك بزملائك الاعضاء وتمنيت انك مااوردت ماش نشاد حتى ماتهمش الادوار الاخرى ولعل هنا خانك التعبير القصيده اجمالا جيده ولو اعدت النظر لا ابدعت اكثر او يمكن انك تسرعت في كتابتها الى الامــــــــــــــــــــــــــــــــــــام :clap: تحياتي |
اخي الجامح
اشكرك على نقدك واعتبره وسام على صدر الليث وتحليلك في محله اللي اريد اوصله هو كيف عرفت ان الليث كتب قصيدته وهو يهرول قبل ان يجلس على النت والدله والبراد فعلن انك جــــــــــــــــــــــــامح اسمن علي مسمى |
تعقيبا على سؤالك اخوي الليث
كيف عرفت ان الليث مسوي قصيدته وهو يهرول انا بنيت على عده اشياء انك كتبت القصيده الاولى وعرضتها للنقد وتاخر الرد عليك بسبب الازمة المصاحبه لطرح النص توقيتيا وماتخللها من اعتراضات على المرشحين وتصريحات ابو عدنان ــ الله يذكره بالخير ــ واستقالة العزيزي المغترب ــ وامسي عليه بالخير كذلك ــ كل هذا حصل وانت متلهف مشتاق انك تسمع الاشادات والاعجاب اللي تستاهله ــ طبعا ـــ وهذا واضح لانك طرحت القصيده على طول للنقد ويوم ماحصل هذا رحت وكتبت القصيده هذه تعبر عن حالتك ومدى الاحباط اللي شعرت فيه وكان مرورك على المنتدى كانك تمر على اطلال اتمنى اني اصبت في تحليل وضعك اثناء كتابه النص واتمنى كذلك ان ردي يكون مقنع تحيتي |
بسم اللة الرحمن الرحيم اخواني الافاضل الشاعر القدير\ الجامح الشاعر القدير\الليث الاخت الفاضله\ فجر السلام عليكم ورحمة اللة وبركاته اشكركم كل الشكر على تجاوبكم الرائع وبارك اللة فيكم الشاعر 0الليث طرح قصائده وفتح صدره ورحب بالعموم وهل من ناقد وتقدمة الكاتبه فجر وبارك اللة فيها ادت اللي عليها وكانت قراءاتها ممتازه للغايه ونظريتها اكثر من رائعه امل مؤاصلتها معنا لمايطرح من قصائد للنقد اماء اخينا الشاعر الكبير والناقد المحترف\ الجامح اجاد في نقده واحترافه الرائع وبيض اللة وجهه على البذل والاجتهاد وتوجيه شاعرنا واظهار الخفايا رغم غموضها وللة درك ياجامح ونحن في حاجة مثل هذا الناقد الناجح واكرر شكري وتقديري للجميع واللة ولي التوفيق والسلام عليكم 0 حامد رضا |
ووجهك ابيض يابو عبدالله
ماتفضلت به وسام على صدري ويكفيني اشاده مثلك ويخجلني تواضعك الجم وشعورك الاخوي الصادق الذي لاتشوبه الشكوك ووجودي هنا لخدمتكم وخدمتك ما تزيدني الا شرف والله يخليك ذخر لنا تقبل موفور التحايا |
السلام عليكم ورحمة الله وبركاته
أتمنى ان تنال إعجابكم كما اتشرف بنقدكم الهادف لهذه القصيده المتواضعه ودعتهم قالوا نشوفـك علـى خيـر ودعتهم وجـروح قلبـي وساعـي ودعتهم واقفيت مقوى على السيـر والعيـن للـدار العزيـزه تـراعـي دارٍ بهـا تلقـى الوجيـه المسافيـر اللـي مفارقهـم يزيـد التيـاعـي ربعٍ لهم بالقلـب حشمـه و تقديـر تقدير من قلبـي ولاهـو صناعـي هم مسندي لن جامن الوقت تقصير هم راس مالـي فالظلايـم شعاعـي لي حال معهم واصبحت دونهم غيـر في دار (؟؟؟؟) نايـم الهـم ياعـي ودي بقرب الدار ميـر البـلا ميـر ودي وحكم الشغـل يلـوي ذراعـي و الرزق عند اللي رزق تايه الطيـر مكتـوب فيهـا لقمتـي وانتفاعـي هذا القدر والله كتـب لـي مقاديـر لاشـك مانـي للمقاديـر راعــي ليت الزمن يِدهن وندهن لـه السيـر وليت ألإجـآزات الطويلـه تباعـي ودعتهم وآقـول يالله عسـى خيـر يالله عسى عقب الفـراق إجتماعـي وسلامتكم |
الوايلي
قصيدة جميلة تعبر عن شعور انساني قاسي في فراق من يحب بسبب الظروف العملية قصيدة في جميلة في مجملها لكن في نظري لو استبعدت هذا البيت هذا القدر والله كتـب لـي مقاديـر لاشـك مانـي للمقاديـر راعــي لاصبحت القصيدة اجمل لاني الشطر الذي يليه في نفس السياق للبيت الذي قبله لكن هذا لا ينقص من جمالية القصيدة تحييييييييييييياتي |
اخي حامد رضا
اشكر على الثنا والعلوم الطيبه التي وجدتها من قبلكم دليل على الاخلااق العاليه والطيبه التي تتمتع بها اعجبتني قصيدة الوايلي ولو كنت من المكلفين من قبل الاداره الذين تم ترشيحهم من قبلكم لنقد لاقمت بنقدها وتحليلها ابورضا تقبل تحيات اخوك الليث |
:emmmoo:
ولي عوده تقبل مروري |
| الساعة الآن 07:41 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "