|
رح .. [ ياصباح الورد ] صحي رفيقي ..! وقله ترى يومي .. بلا [ مابيه ] ..! قله تراني ضامي .. [ وجف ريقي ..! وداعب [ شفاته ] ياعسى الورد [ يسقيه ..! وان ماصحى .. خله بنومه غريقي ..! [ وانثر ورودك ] فوق متنه و [ غطيه ..! |
صـباح النـور .. لا والله صـباح إســمــه لأن النـــور شــمــعـة حــب مــن ضـّــوه إذا شفــت النــهـار يـصـب مـن جـســمـه عــرفــت أن الــمــزاج مـــرّوق بـ قـــوه صــبـاح البــسمـه اللـي تـرسم البـســمـه تصــبـح بالـوجيــه تــصـيـر مـحـلــّــوه صـبـاح الشــهــقـه اللي كّـونت نـســمـه تـصـفــي جــو مـنــهـو عـكــرو جـّـــوه عــرفـت أن الـغـــلا لا يــقبـل القـسـمه علــى غـيــره؟ ولــكـن يــقـبـلـه هـّــوه لأنــه كــل لـوحـــة حــب مـنـرسـمـــه ولأنــه كـل نـبـــضـة قـلـب مـن جـــّوه أشـوفـه ع الصبــاح الـوجـبه الدسـمــه وإذا ذقـتـه؟ شكـيت الجـوع مـن شـّـوه وإذا ما جاء؟عرفت أن الصدف قسمــه وعرفـت الظلـم فـي قـولة : مشـى تــّوه صباح إسمه وياليت أعرف وش إسمه؟ مــا كـان تـشـوفـنـي أسئلك؟ من هـّوه |
بشويش غط الحلم وافتح جفونك حتى نعرف شلون نصبح على خير وش هو الصباح الا اغاني عيونك من نظم اهدابك ولحن العصافير |
على طاري صباح الورد , وإسمك, والحـلا والـذوق ذكرتك يـا أجمـل أحلامـي , بقافـي واستهليتـه على درب القصيد أسوق , قلبي والخطـاوي شـوق وإذا مالت بـي الخطـوة , علـى دربـك تناسيتـه يهز الشـوق بأعماقـي , عناقيـد الغـرام عـذوق ويقطف بالغلا فيني , غـرامـ(ن) خنـت وأخفيتـه أحبك كثر ما يشعل , غرامك فـي حشـاي حـروق وشبٌه زود لو يحرق , ضلوعي مـت مـا اطفيتـه أحبك دمعتـ(ن) طاحت , على خد الصباح اشـروق يموت النور لـو طاحـت , علـى كفـي وضميتـه أحبك , إيه أحب إسمك .وأمـوت بجيـدك المنتـوق و تخيل كثـر مـا أكـره صـدودك , قمـت حبيتـه تموت من البطا غيمه , طعنها مـن جفـاك بـروق وغشى روض الحشا وسمي , جفافك وإنت ما ارويته رحلت , وما بقى منك سواك إنت , و عنـا مفهـوق عنـا ذاك الربيـع اللـي , غشانـي مـا تمنيـتـه تعال , إجرح على كيفك , تربـع واستحـل عـروق تدلـل والبسـاط أحمـد , وأنـا لرضـاك مديـتـه قم إسهج لآخر ضلوعـي, تغلغـل داخلـي برفـوق حلالك ما بقى منـي , مـع اللـي لأجلـك أفنيتـه من اللي من غديت أجمل قصيدة ما غـدا لـه ذوق ومن اللي كتـب باسمـك قصيـده وانكسـر بيتـه وربي , من كتبت إسمـك وبروزتـه بقلبـي فـوق وأنـا مـا دار فـي بالـي , قصيـد مـا تحاليتـه دخيل دمعتين اللي, غـدت منهـا الخـدود شقـوق ترفق سامحك ربي , علـى قلـب(ن) لـك أهديتـه إذا لك حق في قلبي , فأنا لي فـي غـلاك حقـوق و حقوق الشوق محفوظـة , وحـدي مـا تعديتـه يذكرني صباح الورد , وإسمـك , والحـلا والـذوق وأردد يا ( أجمـل أحلامـي ) بقافـي يـوم هليتـه |
صبحكم الله بما تتمنوه وادآم عليكم وعلى اسركم بالصحة والسعادة ولا يحرمكم من كرمه وفظله يا بني عزيز |
صباااااااااااااااحكم ورد وجوووووووووووووووووووووووري
بتواجد طاااقم مبدع وبتواجد الأخوان : العزيزي المغترب و الأخ : رحال |
صباح النور يانور الصباح ولهفة المشتاق عسى الله لا يخيّب في بعضنا كـل امانينـا يهل الغيث ويدن الرعـد ويلـوّح البـرّاق وحنا مابرح مركب هوانـا فـي موانينـا محبتنا على صدق النوايا والقلـوب ارزاق نهني بعضنـا ودموعنـا تسبـق تهانينـا نعيش بظل حاضرنا وماضينا بـدون اوراق وحاضرنا يعلمنا نعيـش بـدون ماضينـا تقزّم في نظرنا الياس كله والأمل عمـلاق وحنا لو نعيش بدون أمل كثـرت مآسينـا تربعنا على عرش الوفا والحب والأخـلاق واذا طحنا من الايام مـا طاحـت مبادينـا نتيجة حبنا توليـف خفّاقيـن فـي خفـاق بمعنى مانعيـش الا علـى اوّلنـا وثانينـا واذا ربي كتب لاقـدر الله للقلـوب فـراق نموت وننتهي واجسادنـا تقبـل تعازينـا يادنيا لو نشدتي وش يصير بعالم العشـاق لهيب حروفنا يعجز يعبـر عـن معانينـا يقولون العرب سر السلامه في يد السـوّاق وانا اقول السلامه فالهوى ماهـي بيادينـا لك الله لاشربنا من بعضنا كاسة الأشـواق ماعاد نشوف اماكنّـا ولا نسمـع اسامينـا نغيب ولا نفيق الا وحبر الشوق فـالاوراق واثرنا قد نثرنا اللي ورى حاجز محانينـا يفوح الورد ويمور السحاب وتذبل الاحداق نغنـي والطيـور تطيـر وتغنـي اغانينـا غرامك غير ياسيدالجهات الست والآفـاق ولا يمكن نقول لبعضنـا وينـك ياناسينـا هنا يبقى مكانك ياغلاي بداخـل الأعمـاق مثل وشم الحنان اللـي وشمنـاه بليالينـا وصباحك نور يانور الصباح ولهفة المشتاق عسى الله لا يخيّب في بعضنا كـل امانينـا |
صباح الغلا دام الغلا يزداد واحنا بعيدين ماللمسافه بيني وبينك وجود وين ما اروح تبقى داخل القلب والعين واحس طيفك بكل شي موجود.. من قلب تبسم يوم .. "صبح بك" صباحك صبح ماتصبح به قبلك أحد صباحك صبح يحفظك ربي الواحد الأحد صباحك ورده زرعها من يحبك للأبد صباحك شهد من ذاقه ماشبع منه أبد صباح الخير |
صباح الخير ياهل الطيب والنخوه
.... صباح مايليق إلا لبني عمي واشكر لكم تواجدكم كلن بنكه وبارك الله فيكم يابني عزيز |
صباح الخير والبال الطويل الهادي الرايق صباح الشارع اللي تزهر وروده على شانك من لسانك صباح النور تشرح خاطر الضايق وش أحلى من صباح النور لا صارت من لسانك |
| الساعة الآن 08:18 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "