لاتنكس يارهيف العود لله = خايفن تااقع وميقاعك مصيبه
طيحتك تعني مطيح القلب كله = مثل ميطيح الشداد مع النجيبه
وش يقولون الاحبه والاخله = الحبيب يموت ماضيق حبيبه
ومن يخصك دون غيرك لاتذله = مايبي من طيبك الا مثل طيبه
خلنا مثل الليالي والاهله = الحياه ايام والدنيا رحيبه
وعتبرنا اثنين فنجالن ودله = وعتبرنا ثنين عيان وطبيبه
المهم نصير دوله مستقله = ماتفرقنا مطير ولاعتيبه

على لفحة الشاطي وصوت اصطفاق الموج =على مايشيله خاطري ويتهيالي
لوني مداري عبرتي فالضلوع العوج = وخاف الشماته لترك الدمع ينسالي
ويهل امطره لين يهداء الخافق المزعوج = سوات الفقير اللي بكاء فالخلا الخالي
مايبكي لعطف امير ولا لقايد فوج = بكى يرجي الرحمه من الخالق الوالي
تمر السنين وجرحها فالحشاء منسوج = من الغالي اللي راح ماقدر الغالي
بعد ماحتفيت اضيافة فأخر المنتوج = تطاول على ارباح الغلا وروس الاموالي
من الشوق اغنيله وسوق القدم ودوج = وهو لاتصال ولارساله لجوالي
لكن الهوى غلاب والجادل العمهوج = خفوقه من جروح الهوى والهوى خالي
اعذره وقول رح في طريق السنين العوج = معك عمرك وزينك وانا مالك ومالي
مثل ماتحط الكحل ولا تحط الروج = تحط واحدن غيري وتتركني اللحاااااااالي

لله درك ياأبو عواض
لاتوقف
متابعين قصائدك يالذيب

اقول الحياة الطيب .. ماهي بسسبع جهات = واذا ماعمرها الصيت ماهي بمبنيه
ورجال نفسه ماتقوده على الفزعات = ولاتقدمه عند الامور الضروريه
عسى مالها غفران يالله ولا منجات = وتمحى{ حسانيها }وتدبل لها {السيه}