|
|
|
|
|
|
|
|
|
يامـن لقلـبٍ مالقـى لـه مـداوي=يضيق بالحالين .. بسـط وغرابيـل من طلعتي وامـره عليّـه عمـاوي=و ما لي عنه .. لو بيّح السدّ .. تبديل مرٍٍٍٍٍٍّ اقـول اللـي يصيبـه سمـاوي=وبعض الطبايـع بالبنـادم مجاهيـل ومـرٍّ اقـول مسبّقـات الـبـلاوي=اللـي لهـن بيـن الحنايـا مخاييـل والظاهر انه بس فاضي .. وغـاوي=مايعجبه صبح الخلايـق ولا الليـل ياقلـب لا ياخـذك سلـم الجـلاوي=اللي اليا حطّ الرحَـل بـادر الشيـل واذكر طراوينـا وهـاك المنـاوي=بيـن السفاجـه والقـلالات والنيـل من شانهـا عدّيـت راس الشفـاوي=وجرّيت عذبات القصايد .. مواويـل يازين ياللي لي مـن النـاس هـاوي=انا قنصتـك فـي شغايـا فراطيـل غرب الشطون وغرب هاك الحراوي=شرقي حبيب وشرق وادي مراحيـل يوم اعرضن لي و صاح فيّ النخاوي=الصيـد قِدْمـك يابعيـد المنـاويـل تليت انـا الجكسـار تـل النـداوي=وزرقتهن من قبل عَسْـر المداخيـل وطلع عليهـن بالكـلاش الهـواوي=ورماهن الاولى .. وزلّـن معاجيـل ورجعت قال الربع ويش انت نـاوي=قلت المعـدّى بيـن هـاك الجناديـل وعدّيت لين القاع صـار متسـاوي=وامسن يمين الجيب مرمى المحابيـل وصحنا يابو حسان حـذراك تـاوي=هات الثنين وكمّـل الكيـف تكميـل وعطاهن الصالي ولا هـو امـراوي=ولولا القدر مهّلّهن ... ذاقـن الويـل وعقب ادبرن قمنا نديـر الحكـاوي=وانّاقش التضييـع ونحـط ونشيـل ثم اتصـل فينـا الرفيـق المخـاوي=وقال ابشروا .. جبنا الشبب يالمشاكيل ارويّـةٍ مــن طيّـبـات الاراوي=بانٍ شحمهـا فـي حشاهـا تراهيـل طحنا بها في وسط شِعْـبٍ خـلاوي=مستامنه ترعـى القـرَظ والنوافيـل قلنـا كفـو يـا جعلكـم للغـنـاوي=عاداتكـم طـرح البـدون المجافيـل وجينـا لمتكـى طيبّيـن العـزاوي=والنـار حيّـه والهـلا والمعاميـل وتكاملـت مابيـن طابـخ وشـاوي=ومابيـن نشمـيٍ يسـوق الفناجيـل هـذي وناسـة كـل قلـب شقـاوي=وهـذي تعاليـل القلـوب المعاليـل واللي يبـي يرفـع علينـا دعـاوي=باللوم ويفطّـن هـل القـال والقيـل قلّـه يكّفينـا المسـيـل النـحـاوي=اللي كفى البيت المعظّـم مـن الفيـل الواحد اللـي فـي يديـه الرجـاوي=لا طبّقت سحب الهمـوم المضاليـل |
أنا ليا ضاق صدري واشتعل جاشـي=داويت نفسي مـن همـومٍ تناهشهـا
وضربت لي طرقةٍ تصعب على اللاّشي=وسرّيت رجلي ومسرى الليل ينعشهـا ونحرت جوٍّ خليٍّ يوحـش أوحاشـي=صحاصح البيد طـبّ اللـي يعايشهـا خالٍ جنابه مـن العالـم والأدباشـي=قفرٍ مربّ الوحوش ومأمن أوحشهـا عشبه سوات الحمى ماهوب ينّاشـي=لا راعي البل ولا الشـاوي بنايشهـا مايقطعن فرجتـه حـرار الأبواشـي=الضمّر اللي وصوف الريـم تركشهـا مايسهجه غير جيبٍ يطرب الماشـي=مع واعر الأرض وألاّ مع مفارشهـا جيبٍ يبعّد عـن مْعشّـاي مغباشـي=اللي يقـصّ الـدروب ليـا تناوشهـا ماتسمع من المكينه غير وشواشـي=ماكنّـه ألاّ الحيايـا فـي توشوشهـا لا فرّ من دوس رجلي صابه خراشـي=فـرّة قطـاةٍ دويّ الملـح خارشهـا يطيش من طيش سوّاقه ليـا طاشـي=نوبٍ يخم الخطـوط ونـوب يقرشهـا أبيه لابـان نجـم ونجـم متلاشـي=وشفت السويبع مع أخوانه مداقشهـا في ليلـةٍ وبلهـا هتّـان ورشاشـي=وقلايد الوسـم مرخيـتٍ مراهشهـا ليا أضمرنّ الفحول وجاهن طياشـي=والأرض في بطنها قـرّت هوايشهـا وراع الولع عقب موته له تنعواشـي=طيره على الكـفّ والدنيـا مطنّشهـا ماعاد يطري له ألاّ بـرق الأرياشـي=اللي على شانهـا البيـداء يفتشهـا وأنا معي عاريٍ ماهـوب بخياشـي=لاتلّ سيره علـى المقفـي تفرّشهـا عديم وأسمه عديمٍ ما أسمه شلاشـي=زرق الشوش لالحقها علّق شوشهـا ومن لا عرف لذّة المقناص ماعاشي=ولعه بليّـا طماعـه ميـر عايشهـا يسلى بها الخاطر ليا ضاق وانداشـي=وترتاح بالنوم عيني يـوم أغلمشهـا ماتسمع اذني صدى لجلاج وهواشـي=ألاّ السواري مـع الظلمـا تخترشهـا يالايمـي خلّنـي بصـدّ وانحـاشـي=عن شوف ناسٍ ماغير تلوّي خششها والله إن يبطي مع المقناص مطراشي=لين المنيّـه نقابـل وجـه طارشهـا هذا الدواء اللي يداوي حدبٍ هشاشـي=من هاجسٍ لاتحرّك قـام يجرشهـا |
| الساعة الآن 01:56 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "