لمني في محجر عيونك حبيبي وخلني=خلني اشوف نفسي في عيونك واطمئن
دامك ان سلهمت بالرمش الظليل تفلني=لعنبو ذا الرمش كيف اني من اسبابه اجـن
حبك اللي تل قلبي من بعـد ماتلني=صدق أنا ميت بحبك كانها عيونك كفن
أجمع اللي باقين مني شتات ودلني=شوفني ذاك الغـريب اللي يدور عن وطن
صـدك اللي هد حـيلي والجفا لي علني=وليه قلبين المحـبة فالمحبة ما إلتقن
قلت ابصبر والصبر من زود صبري ملني=وقلت بنسى واثر طيفك صار له عقلي سجن
ضاعت دروب المحبة والحزن ماظلني=يا حسافة ذا الليالي ذا الليالي مانصفن
لا تهل دموع من عينك اخاف تهلني=خايف اطـلع من عيـونك لا من بيومن بكن

في ذمتك هـذا كلام=كل يـوم لك حـب وغـرام
مانته صغــير اعـلمـك=الغش في الدنيا حـرام
ماني وليك أحاسبـك=ولاني غــلاك أعاتبك
ولاني حرس وراقبك=صدفه لقيتك والسـلام
حـبيت ابيـن لك وقول=لو تعتبر قولي فضـول
من كان سهل في الحصول=ماهو ترى قد الهيام
الـحـب ما هـو تعرفـه=في كل وقت تصرفه
لاتظـن مثلك يعـرفـه=إنته تعـرفه بالكـلام
إسمعني وخلك صريح=جاوبني إبقول صحيـح
انته بحياتك مستريح=وكل يوم لك حـب وغرام