|
توها جات تفتكرني وتقول واحشتني قصايدك ! ماتدري إني نسيتها من عقب غيبتها ... |
توها جات تفتكرني وتقول واحشتني قصايدك ! ماتدري إني نسيتها من عقب غيبتها ... |
|
يـا نـوف حدتنـي عليـه المقاديـر وبيّنت له يـا نـوف جـل اهتمامـي وأرخصت لأجل ارضاه قـومٍ مناعيـر بالطيـب طيـب وبالكرامـه كِرامـي وأهديت له روحـي شهـاده وتقديـر وبصمت لـه بالعشـر حبّـك لزامـي وصديت عن كـل الوجيـه المسافيـر ونذرت لـه بالحـب بـرد وسلامـي فرشـت لـه درب المحبـه نـواويـر وأرخيـت شريـانٍ لشوفتـه ضامـي وأسْدَلْتْ لـه روح النوايـا المغاتيـر ورفعـت قـدره فـوق كـل الأنامـي يا نوف صد وراح مـن دون تبريـر يا نـوف مـا قـدّر غـلاي وهيامـي مـا يـدري ايامـي بدونـه معاسيـر عيّـت عيونـي مـن فراقـه تنامـي ولا يدري ان الشوق ملع و ن ابو صير كافـر ولا يرحـم عليـه الحـرامـي وجدي وجـود اللـي حياتـه تعازيـر باليـه وقتـه قبـل سـن الفطـامـي ما شاف من دنيـاه غيـر المخاسيـر ولاحدٍ صفطْله مـن خـوال وعمامـي تلعبّـه الدنيـا وتعكـس بـه السيـر يمشي ولا يـدري بعكـس النظامـي |
يانوف محبوبك غدت فيه دنياة ولاعاد باقي غير كلمه وداعي،،، واليوم يابنت الوفاء السم ذقـناه ويزود مع زايد عنااااك اللتياعي،، واللي بقلبك ياحــــزينه عرفناه مبداك وصل الحب،،،لا،،للخداعي |
♥ شيلة حان الوداع كلمات الشاعر: رشيدالفريدي أداء المنشد: سامي العزيزي♥ حان الـوداع ولا بقـى للعتـب دور ................الله لــنـــا وفــجـــوج ربـــــك وســـاعـــي دام الصداقة ما هي إحساس وشعور ..............مــــال الـصـداقــة بــعــد هـالـيــوم داعــــي قلبي على المقفين ما هـو بمجبـور ...............مـــن بــــاع لـلـعـشـرة مـصـيــره يـبـاعــي رح واعتبر نفسك مسامح ومعـذور ...........قـلـبـي عـلــى كـثــر الـخـطـا مـــا استـطـاعـي انا على فرقـاك بالعكـس مسـرور ...............مـثـلـك خــســارة فــيــه دمــــع الــوداعــي وش عاد لو خاطرك ضايق ومكسور ................مـــــدام خـيــبــت الــرجـــاء والـمـسـاعــي ما كنت اصدق فيك يا ضايع الشـور ................دايــــم وانــــا دونــــك مـكـثــف دفــاعـــي وكانك على ما قايل منهي ومأمـور ..............بـــدري عــلــى شــــرواك لــويــت ذراعــــي فنجالك اللي سقت من يـدك منثـور ..............لا صـــار مــــا انــتــه لـلـصـداقـة مــراعــي مَن يخدم الأنذال ما هـو بمشكـور ............ومـــن يـــزرع الـصـبـخـا جــــداه الـضـيـاعـي تـوي لقيـت لعلـة النـذل دكتـور ..............الـبـعـد عــــن شــوفــه يــزيــل الـصـداعــي ما فيه داعي ينفضح كـل مستـور .............عـيـنـي تـشــوف الــــدرب والـقـلــب واعــــي نور الحقيقة بـان والعلـم مخبـور .............شــفــت الـسـبــاع وشــفــت روس الأفــاعـــي افلح.. قبل يضربك رمحي على الزور ...............وتـلـقـى شـبـيـهـك يــــا خـبـيــث الـطـبـاعـي عين بكت فرقاك تحرم مـن النـور ................لا تـنـتـظــر بــعـــد الـــــوداع اجـتـمـاعــي :hush: |
ياصاحبي عاشق على الطرح مشكور عاشـق هباء بالطيب صـيــته يـذاعي </i> </b> |
يامرحبا ياهلا بالجادل أم الدلال =ترحيبةٍ ترقص أبياتي على شانها اناأشهد اني بعد فرقاك ماقوى احتمال=يالمهرة اللي تدرج بين فرسانها وانا اشهد ان الهموم اللي بقلبي جبال =ماشالها انس من قبلي ولاجانها إما تجيني مثل ماني معك باعتدال=والا صروح المحبه هد بنيانها مره تنادي تقول الشوق فيني تعال=وتضمني قبل اسلم داخل احضانها ومره تثير السوالف لين يبدأ جدال=واحزن وهي في بعادي زادت احزانها ان كان حبي لها ياهل المحبه هبال =مهبول من هان شاعرها ومن هانها اشعارها حيرتني بالبحور الطوال=اسبح على بحرها وارسي بشطآنها ما نفقد الا الحبيب اللي يشد الرحال =ومال السفينه أمان بغيرربانها ومانفقد الا القمر لابان سود الليال=ومانفقد الا المزون وهل هتانها حبيتها والجميل الله يحب الجمال=الجادل الله يجمل روس جدانها |
اقسم برب البيت ماحب غيرك=انتي تساوي في حياتي حياتي أدري مصيري في المحبه مصيرك=وأدري ان قلبك ماهوى غير ذاتي خطاي ما تتبع سوى خط سيرك=مناي وصلك لين حين المماتي ضميت وارويتي علي من غديرك=ناديت لبيتي الندا يا غناتي اصبح على حبك وامسي بخيرك=واسهر على سدر العسل بالشفاتي وانام واحلم في روايح عبيرك=واسافر اقرأ في طريقي وفاتي لا تحزني لو راح في يوم طيرك=بعد السفر يفقد حنانك و ياتي أنتي اسرتيني وحبي اسيرك=أنتي وفيه والوفا من صفاتي محال ادور في المحبين غيرك=انتي تساوي في حياتي حياتي |
انا غرست محبتك داخل الموق=غصبٍ عن العذال هذي حقيقه ولا يهزك قول حاقد ومصفوق=حنا بجنه والحسد في حريقه أهل الحسدوالكذب والغدر والبوق=عازب وعانس أوطليق وطليقه عهدي معك ياقرة العين موثوق=وعهود حبك في خفوقي وثيقه مدفوق حبك داخل القلب مدفوق=ياشوق قلبي بين كل الخليقه تستاهلين الحب والعشق والشوق=تستاهلين العمر ياغلى عشيقه :smile4: |
| الساعة الآن 07:32 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "