منتدى بني عزيز الرسمي  من مطير

منتدى بني عزيز الرسمي من مطير (http://www.azizenet.net/vb/index.php)
-   الشعر المنقول (http://www.azizenet.net/vb/forumdisplay.php?f=80)
-   -   0"اُكـتـب بـيـت شـعـر يعـبــر عــن حــالــتـــك"0 (http://www.azizenet.net/vb/showthread.php?t=7584)

عامر العزيزي 10-17-2009 04:09 PM

نويت مربـــاع الغضي سيد الاحبــاب
........................................ قصدي يزول الجرح زاد التهـــابه
جيت وبقــايـا نـــارهم حول الاطنـــاب
........................................... بيت الشعر مطـــوي وباقي زهــابه
على غزيــر الدمع ضميــت الاهداب
....................................... صديت لين الدمع يقفي سحـــــابه
بعض الوجــع يمكن تــداويه الاعشاب
............................................ وبعض الوجــع يا ويل من هو سطآبـه
عشق بــــدوي لاحب ما هو بكــذاب
........................................ يوفي ولو جرحه تجدد صــــوابـــــه
حتى اثر مشـيه مع سهول وهضاب
........................................ مرهـ يبين او مـــرتن مادرابـــه
قلبي من الفـــرقآ صويــب ومنصآب
........................................ كنه غدا نصفيـن من هول ما بــه

فجر 10-17-2009 05:01 PM

ولا تهين نفسك لو تجي بين ضرس وناب
=وهيبتك لا تنقـص ولـو ربـع مثقالـي
وبنت الردي لا يعجبـك زينهـا الجـذاب
=تراهـا كمـا المخيـال خيـل وتخيـالـي
ولو شفت حمر خدودها وثمـان أعـذاب
=لا بدك تمنـى ليـت مـا جالـك أعيالـي
ولدها لا ياشاف النقـى والملاقـى هـاب
=ذليـلٍ بخيـلٍ فيـه خفخـاف وجفـالـي
أخذ بنت قرمٍ طيـبٍ ساسهـا مـا عـاب
=تنومسك بنت الشبـل ويجيلـك أشبالـي

من روائع الشاعر/ عبدالله بن شايق

فجر

راعي الهوجا 10-17-2009 07:30 PM

تعبت من ممشا على غير مشهـــــاي = وتعبت من صبرن على غير غايــــه

طاحت عزومي لين قلت نوايــــــــــاي = وابعدت من مبداي صوب النهايــــــه

مغير اهوجس واضرب الراي بالراي = اثر المغربل مايخلصه رايــــــــــــــه

عامر العزيزي 10-17-2009 09:23 PM

الله يجازي مـن يسوي سواتك ... وبذنوب من سوى سواتك يجازيك

مشيت درب الثقـل وتحـب ذاتـك ...ماتـدري انـه للمهالـك يـوديـك

غـرك جمالـك ياخسـاره حلاتك ....ماتدري ان ماغير طبعـك يحليـك

بتقـول زينـك يشفـع لسيـآتـك ....الحسن ماهو عن وفا الحب يعفيـك

لوالتواضع والوفـا مـن سماتـك ... بعت الحبايب كلهم ديـن واشريـك

لكـن عجـزت اغيـرك ياجراتـك ....على الغياب اللي بلا عـذر ينجيـك

خطاي في توضيح وشـي غلاتـك ....وخطاك في توضيح وشـو تغليـك

وشلون توصيني وتنسـا وصاتـك ....وتصد عن صوتن تقطـع يناديـك

مافاتـك التجريـح والعـذر فاتـك ...وتبغي الراي الحين ماعـاد يمديـك

صحيح احبك بـس هـاذي جزاتـك ....بعلمـك درس يفيـدك ويحيـيـك

تدري وش أبيض من خفوقك عباتك ...وتدري وش اللي غرني نظرتي فيك

ادري بتستغـرب تصبـر وجاتـك ... قصيدة مـن واحـد كـان يبغيـك

وتبغي تناظر وانت عايش مماتـك ... شف وحدتك والناس تجلس حواليك

وتبغي تشوف اشجع رجل في حياتك ... شفني وانا راحل على كثر ماغليـك

عامر العزيزي 10-19-2009 11:39 PM

حملي ثقيل وشايله بـ احتمالي // واصبر على مرّ الليالي والاتعاس


وارسي كما ترسي رواس الجمالي // ولا يشتكي ضلع ٍ عليه القدم باس

بن زويد 10-23-2009 05:40 PM


هذه تتكلم عن خاطري اليوم

يضيق الصدر لامني ذكرت الحشر وكروبه
...وتظهر لي على شاشة خيالي كل سياتي

وافكر يوم بعث الناس والنيران مشبوبه
...عسى ربي يهون لي هذاك اليوم وقفاتي



بن زويد 10-23-2009 05:41 PM

الا يالله سهل لي طريق الخير واسلوبه
...لجل ودي من الخشيه تفيض بصدق دمعاتي

وانا طالبك تسمح لي وتقبل مني التوبه
...طمعت برحمتك وارجيك تقبلني بعلاتي


عامر العزيزي 10-30-2009 11:02 AM

يقول، من عدّا على راس عالــــي
...................................... رجمٍ طويل يدهله كل قرنــــاس
في راس مرجومٍ عسير المنالـــي
................................. تلعبْ به الأرياح مع كل نسْنــاس
في مهمهٍ قفرٍ من النّاس خالــــي
.................................يشْتاق له من حس بالقلب هوجـاس
قعدت في راسه وحيدٍ لحـالــــي
...................................براس الطويل ملابقه تقل حــراس
متذكرٍ في مرقبي وش غدالــــي
....................................وصفّقْت بالكفين ياسٍ على يــاس
أخذت أعدّ أيامها والليالـــــــي
.....................................دنيا تقلّب ماعرفنـا لها قيــــاس
كم فرّقت مابين غالي وغالـــــي
...................................لو شفت منها ربح ترجع للافــلاس
يقطعك دنيا ماله أول وتالــــــي
..................................لوأضحكت! للغبن تقرع بالأجــراس
المستريح اللي من العقل خالــــي
..................................ماهو بلجات الهواجيس غطّـــاس
ماهو بمثلي مشكلاته جـــلا لــي
.................................. أزريت أسجّلهن بحبرٍ وقرطـــاس
حملي ثقيل وشايله باحتمـالــــي
....................................واصبرعلى مر الليالي والأتعــاس
وارسي كما ترسي رواسي الجبالــي
..................................... ولايشتكي ضلعٍ عليه القــدم داس
يابجاد شب النّار وادن الدلالــــي
..................................... واحمس لنا يابجاد مايقعد الــراس
ودقّه بنجرٍ ياظريف العيالــــــي
...................................... يجذب لنا ربعٍ على أكوار جــلاس
وزلّه إلى منّه رقد كل سالـــــي
....................................... وخلّه يفوح وقنّن الهيل بقيـــاس
وصبّه ومدّه ياكريم السبالـــــي
...................................... يبعد همومي يوم اشمّـه بالانفـاس
فنجال يغدي ماتصور ببالــــــي
..................................... وروابع تضرب بها أخْماس وأسداس
لاخاب ظني بالرفيق الموالـــــي
..................................... مالي مشاريهٍ على نـايد النــــــــاس
لعل قصرٍ مايجيله ظـلالــــــي
....................................... ينهد من عالي مبانيه للســــاس
لاصار ماهو مدهلٍ للرجالــــــي
........................................ وملجا لمن هو يشكي الضيم والياس
بحسناك يامنشي حقوق الخيـالــي
........................................ ياخالق أجناس ويامفني أجنـــاس
تجعل مقره دارس العهد بــالـــي
.........................................صحْصاح دوٍ دارسٍ مابه اونــاس
البوم في تالي هدامه يلالــــــي
......................................... جزاك ياقصر الخنا وكر الأدنــاس
متى تربّع دارنا والمفالـــــــي
........................................وتخضرّ فياضٍ عقب ماهيب يبّـاس
نشوف فيها الدّيدَحان متـوالــــي
........................................ مثل الرعاف بخصر مدقوق الألعـاس
ونمشي على البيدا سوات الزوالــي
......................................... يشرق حماره شرقة الصبغ بالكـاس
وتكبر دفوف معبّسـات الشمالـــي
...........................................ويبني عليهن الشحم مثل الأطعـاس

بو عدنان 11-01-2009 12:26 PM

إنگسرت من الفراق وَ شوَف عيني

شوَف عيني ! .. وَإنت تدري بــ إنگساري

العزيزي المغترب 11-01-2009 03:25 PM


يا ما حلى الفنجال مع سيحة البال ..

في مجلس ما فيه نفس ثقيلة

هذ ولد عمً وهذاولد خال.

وهذ صديق ما ندور بديله..



الساعة الآن 07:42 PM.

Powered by vBulletin® Version 3.8.4
Copyright ©2000 - 2025, Jelsoft Enterprises Ltd

 

"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "

vEhdaa 1.1 by NLP ©2009