|
وين إنت ياللي في عذابي تفننت=بهديك بيت ما على غيرك يلوق بهديك بيتن كم سنة فيه هيجنت=بيتن يساوي ألف معنى وطاروق ليت الخلايق تنقلب كلها إنت=واصير اشوفك كل ماشفت مخلوق |
الشوق ماله عمر , يفنى وينعاد
........................له في الضلوع أن عاد وأن غاب رجفه مع كل فرقا , له ورى الجفن ميلاد ........................وأن ماتت الفرقا لقى الشوق حتفه جيت أقتل الفرقا من بلاد ل بلاد ........................ملّ الطريق يشيلني فوق كتفه وأنا بعد مليت من كثر ما أرتاد ........................هالشارع اللي كان لك فيه شرفه |
تظمأ عيوني شوفك , وتشبع سهاد ........................عيّا الزمن يقطع ظماها ب رشفه لاوجهك أسقاها , ولا ذاقت رقاد ........................ماغير طيفك , طيفك اللي أعرفه |
كنّه ظبي , وعيوني ظلال صياد
........................يجفل قبل يرتد للجفن طرفه مشكلته أنه كل ما أشتقت يزداد ........................حتى ملا جدران وقتي وسقفه |
وأصبحت أشوفه ف أول الغيم لاجاد
............وف أقصى الشفق لاطاحت الشمس خلفه وفي الأرض لانامت عقب صوت رعاد ........................وفي كل شباك ٍ صحت منه درفه |
أتعبت طيفك لوم , واللوم مافاد ........................ويوم الأمل في شوفتك مات نصفه نويت أسافر عنك بجروح ٍ جداد ........................وعمر ٍ من أوراق الزمن حان قطفه :sad6: |
نويت , لكن جابني الشوق منقاد
........................وجابك حنينك , والزمن سال عطفه شفتك تبسّم لي خجل مدري عناد ........................وفي نظرتك شوق ٍ من الظلم وصفه حسيت كني طفل , وعيونك أعياد ........................ياعيدي اللي له ورى الصدر رجفه سمّ اللقا صدفة , وأسمّيه ميعاد ........................أنا أنتظرتك , وأنت مريت صدفه . . . . . . . . . . . . . . . . . . . . فهد المسآعد |
فجأه داعني واحد ٍ منتبه له =فالمنتدى ..وآنا مع الوقت مشغول شلون ابنسى المنتدى يوم وادله =وانا شعوري يندفع له .. ولا اقول :laugh: |
لاتحسب إن الغير أثّر على ( القلب ) .. مافيه ... أي إنسان ، [ أسمَع كلامه ] ,,, جيتك .. ولا فكّرت في آخر الدرب ، أمشي معك ، رغم العتب .. والملامه ,,, برد وسلام بداخلي .. وداخلك .. حرب ! ملّيت أدوّر ، في " عيونك " .. سلامه ,,, |
خلك عزيز النفس لو همك جبال .. لا تشتكي للناس من حر ما فيك!! وبعض الرجال إن شفت به هفة هبال .. تراه عن بعض الرجاجيل يغنيك !! ولو تبحثه (فالمرجله) مامن خبال .. يقطع دروب وفالمساري يقديك !! وبعض البشر لو يعجبك كل ما قال .. حالي لسان وفالمسرات يشريك !! تلقاه نقص.. ولا يساوي له ريال .. وإليا زبنته وإنت ضايق .. يخليك !! والناس مختلفه لها أنواع وأشكال .. فيهم حسود وفيهم اللي يواسيك " واللي على طول الزمن عنك ما مال .. مثل العلآج اللي عن الداء يداويك " وأوصيك لا تبني على الحظ الآمال .. الله هو اللي لا بغى شي يعطيك !! |
| الساعة الآن 06:08 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "